2. கட்டட இடிபாடுகள் பெரும் சூழல் கேட்டை உருவாக்குகின்றன. இதைத் தடுக்க ஆஸ்திரியாவின், கிராஸ் தொழில்நுட்பப் பல்கலை ஆய்வாளர்கள், லெகோ (Lego) கட்டைகளைப் போல எளிதாக சேர்த்துப், பிரித்து மீண்டும் பயன்படுத்தக்கூடிய செங்கற்களை உருவாக்கியுள்ளனர். கட்டட இடிபாடுகளை மறுசுழற்சி செய்து உருவாக்கிய இந்த லெகோ செங்கற்கள் சிமென்டால் ஒட்டப்படுவதில்லை. கட்டடக் கழிவுகள் குறைவதோடு, கட்டடச் செலவும் குறையும்.

3. நெடுதுார விண்வெளிப் பயணங்களின் போது விண்வெளி வீ ரர்களுக்கு தசை மற்றும் எலும்பு இழப்பு போன்ற பாதிப்புகள் ஏற்படுவதுண்டு. இதை தடுக்க, அடிலெய்ட் மற்றும் நாட்டிங்ஹாம் பல்கலை விஞ்ஞானிகள் ஊட்டச்சத்துக்கள் நிறைந்த ' ஸ்பேஸ் ஸ்மூத்தி'களை உருவாக்கியுள்ளனர்.

4. சிலவகை சிலந்திகளுக்கு தனித்துவமான பார்வைத் திறன்கள் உண்டு. அவற்றை அடிப்படையாகக் கொண்டு, முப்பரிமாண (3D) கேமிராக்களை உருவாக்க ஆக்ஸ்போர்டு மற்றும் ஷெபீல்டு பல்கலை ஆய்வாளர்கள் முயன்று வருகின்றனர். இதன் வாயிலாக, ரோபோக்கள், டிரோன்கள் மற்றும் தானோட்டி வாகனங்களுக்கான, குறைந்த மின்சாரத்தில் இயங்கும் அதிநவீன கேமராக்களை உருவாக்கலாம்.

5. சூரிய ஒளியைப் பயன்படுத்தி கார்பன் டை ஆக்சைடை திரவ எரிபொருளாக மாற்றும் 'செயற்கை இலை' ஒன்றை கேம்பிரிட்ஜ் விஞ்ஞானிகள் உருவாக்கியுள்ளனர். இயற்கை ஒளிச்சேர்க்கை முறையைப் பின்பற்றும் இத்தொழில்நுட்பம், வளிமண்டல பசுமைக்குடில் வாயுக்களைக் குறைப்பதுடன், துாய்மையான மற்றும் நிலையான எரிபொருட்களை உற்பத்தி செய்ய எளிய வழியையும் வழங்குகிறது.