விழாவுக்கு அமைச்சர் வேலுவுக்கு அழைப்பிதழ் கொடுத்திருந்தார். அதை ஏற்று, விழாவுக்கு வந்தார் அமைச்சர் வேலு.

அப்போது, அமைச்சரை, பாரதிதாசன் 20 ரூபாய் நோட்டு மாலை அணிவித்து வரவேற்றார். இது தொடர்பான வீடியோ சமூக வலைதளங்களில் பரவியது.

தி.மு.க.,வையும் தமிழக அரசையும் மிகக் கடுமையாக எதிர்த்து அரசியல் செய்யும் நடிகர் விஜய் கட்சியைச் சேர்ந்த மா.செ., ஒருவர், தி.மு.க., அமைச்சரை வீட்டுக்கு வரவழைத்து, நோட்டு மாலை அணிவித்து மகிழ்வதா எனக் கேட்டு, கட்சியில் இருக்கும் சிலர், த.வெ.க., தலைவர் நடிகர் விஜய்க்கு கடிதம் அனுப்பினர்.

கட்சியினர் சிலரும், இந்த விவகாரத்தை தலைமை வரை கொண்டு சென்றனர். உடனே, கட்சித் தலைமை இது தொடர்பாக, பாரதிதாசனிடம் விளக்கம் கேட்டுள்ளது.

இதையடுத்து, த.வெ.க., மாவட்டச் செயலர் பாரதிதாசன், கட்சித் தலைமைக்கு மன்னிப்பு கேட்டு கடிதம் அனுப்பி உள்ளார்.

அக்கடிதத்தில் அவர் கூறியிருப்பதாவது:

திருவண்ணாமலையில் நான் கட்டியிருக்கும் புதிய வீட்டு கிரஹபிரவேசம், கடந்த 8ல், நடைபெற்றது.

நிகழ்ச்சிக்கு, நண்பர்கள், கட்சியினர் உள்ளிட்டோரை அழைத்தது போல், என்னுடைய குடும்ப நண்பரான அமைச்சர் வேலுவையும் அழைத்தேன். அவரும் வருகை தந்தார்.

அமைச்சர் என்பதால், அவருக்கு மரியாதை செய்யும் வகையில் 20 ரூபாய் நோட்டு மாலையும், மலர் மாலையும் அணிவித்தேன். தவறுதலாக நடந்த விஷயம் அது.

அச்செயலுக்காக வருந்துகிறேன். அதற்காக, தலைவரிடம் மன்னிப்பு கோருகிறேன். வரும் காலங்களில், இது போன்ற நிகழ்ச்சிகளுக்கு மாற்று கட்சியினரை அழைக்க மாட்டேன். இவ்வாறு அதில் தெரிவிக்கப்பட்டுள்ளது.