ஆளும் கட்சி, தாராள விட்டமின், அரசு இயந்திரம் இப்படி ஏராளமான சாதகமான அம்சங்கள் இருந்தும் நமச்சிவாயம் எப்படி தோற்றார் என அரசியல் கட்சிகள் யோசிக்க துவங்கி விட்டனர். பா.ஜ., தோல்விக்கு பல காரணங்கள் கூறினாலும், பழைய காரணம் ஒன்று உள்ளது என தகவல் பரவி வருகிறது.

புதுச்சேரி அரசியலில் உள்துறையை எப்போதும் முதல்வர் கைவசம் இருக்கும். உள்துறையை தனியாக பெற்று பொறுப்பு வகிக்கும் அரசியல் தலைவர்கள் அடுத்த தேர்தலில்களில் தோல்வியே தழுவி உள்ளனர்.

கடந்த காலத்தில் கண்ணன், பெத்தபெருமாள், வல்சராஜ் உள்துறை தனி அமைச்சராக பதவி வகித்தனர். அதன்பிறகு நடந்த தேர்தல்களில் இந்த மூவராலும் வெற்றி பெற முடியவில்லை. தற்போது நமச்சிவாயம் உள்துறை அமைச்சராக உள்ளார். உள்துறையை பதவி வகித்து கொண்டு போட்டியிட்டதால், நமச்சிவாயம் தோல்வியை தழுவியதாக ஒரு தகவல் அரசியல் வட்டாரத்தில் பரபரப்பாக பேசப்பட்டு வருகிறது.