நியூயார்க்கில், யு.எஸ்., ஓபன் 'சூப்பர் 300' பாட்மின்டன் தொடர் நடக்கிறது. பெண்கள் ஒற்றையர் பிரிவு அரையிறுதியில் இந்தியாவின் தான்வி சர்மா 16, உக்ரைனின் போலினா புஹ்ரோவா 21, மோதினர். அபாரமாக ஆடிய தான்வி 21-14, 21-16 என்ற நேர் செட் கணக்கில் வெற்றி பெற்று பைனலுக்குள் நுழைந்தார். இது, போலினாவுக்கு எதிராக தான்வியின் 2வது வெற்றியானது.

ஆண்கள் ஒற்றையர் பிரிவு அரையிறுதியில் உலகின் 'நம்பர்-34' இந்தியாவின் ஆயுஷ் ஷெட்டி, 6வது இடத்தில் உள்ள சீனதைபேயின் டியென் சென் சோ மோதினர். ஒரு மணி நேரம், 7 நிமிடம் நீடித்த போட்டியில் அசத்திய ஆயுஷ் 21-23, 21-15, 21-14 என வெற்றி பெற்று பைனலுக்கு முன்னேறினார்.