நெல்லையில் நடந்த டி.என்.பி.எல்., லீக் போட்டியில் நெல்லை, கோவை அணிகள் மோதின. 'டாஸ்' வென்ற நெல்லை அணி கேப்டன் அருண் கார்த்திக், 'பவுலிங்' தேர்வு செய்தார்.

கோவை அணிக்கு சுரேஷ் லோகேஷ்வர், கேப்டன் ஷாருக்கான் (30) ஜோடி கைகொடுத்தது. லோகேஷ்வர், 39 பந்தில் அரைசதம் எட்டினார். கோவை அணி 20 ஓவரில் 6 விக்கெட்டுக்கு 165 ரன் எடுத்தது. லோகேஷ்வர் (90 ரன், 5 சிக்சர்), திவாகர் (12) அவுட்டாகாமல் இருந்தனர்.

சவாலான இலக்கை விரட்டிய நெல்லை அணி 17.5 ஓவரில் 98 ரன்னுக்கு சுருண்டு தோல்வியடைந்தது. அத்னன் கான் (26), சோனு யாதவ் (23) ஆறுதல் தந்தனர். கோவை சார்பில் திவாகர் 3 விக்கெட் சாய்த்தார்.ஆட்ட நாயகன் விருதை லோகேஷ்வர் வென்றார். இதுவரை விளையாடிய ஐந்து போட்டியில், ஒரு வெற்றி, 4 தோல்வியை பெற்றது கோவை.