அயர்லாந்து சென்ற வெஸ்ட் இண்டீஸ் அணி, மூன்று போட்டிகள் கொண்ட 'டி-20' தொடரில் பங்கேற்றது. முதலிரண்டு போட்டி மழையால் கைவிடப்பட்டது. மூன்றாவது போட்டி பிரெட்டியில் நடந்தது. 'டாஸ்' வென்ற அயர்லாந்து அணி 'பவுலிங்' தேர்வு செய்தது.

வெஸ்ட் இண்டீஸ் அணிக்கு எவின் லீவிஸ் (91), கேப்டன் ஷாய் ஹோப் (51) ஜோடி நல்ல துவக்கம் கொடுத்தது. ஹெட்மயர் (15), ஜேசன் ஹோல்டர் (18) நிலைக்கவில்லை. 20 ஓவரில், 5 விக்கெட்டுக்கு 256 ரன் எடுத்தது. கீசி கார்டி (49), ரொமாரியோ ஷெப்பர்டு (19) அவுட்டாகாமல் இருந்தனர்.

கடின இலக்கை விரட்டிய அயர்லாந்து அணிக்கு ராஸ் அடேர் (48), ஹாரி டெக்டர் (38) ஓரளவு கைகொடுத்தனர். கேப்டன் பால் ஸ்டிர்லிங் (13) உள்ளிட்ட மற்றவர்கள் சோபிக்கவில்லை. அயர்லாந்து அணி 20 ஓவரில் 7 விக்கெட்டுக்கு 194 ரன் எடுத்து தோல்வியடைந்தது. மார்க் அடேர் (31), லியாம் மெக்கார்த்தி (16) அவுட்டாகாமல் இருந்தனர்.