பெண்களுக்கான 10 மீ., 'ஏர் ரைபிள்' தகுதிச் சுற்றில் தமிழகத்தின் நர்மதா நிதின் (629.5 புள்ளி) 6வது இடம் பிடித்து பைனலுக்கு முன்னேறினார். மெகுலி கோஷ் (632.2) முதலிடம் பிடித்தார்.

அடுத்து நடந்த பைனலில் அசத்திய நர்மதா, 253.7 புள்ளிகளுடன் முதலிடத்தை தட்டிச் சென்றார். அடுத்த இரு இடங்களை சோனம் உத்தம் மஸ்கர் (252.0), ராஜ்ஸ்ரீ (230.0) கைப்பற்றினர்.

ஆண்களுக்கான 25 மீ., 'ரேபிட் பயர்-பிஸ்டல்' தகுதிச் சுற்றில் ஹரியானாவின் அனிஷ் பன்வாலா, 584 புள்ளிகளுடன் முதலிடம் பிடித்தார். அடுத்து நடந்த பைனலில் அசத்திய இவர், 30 புள்ளிகளுடன் தொடர்ந்து 2வது முறையாக முதலிடத்தை கைப்பற்றினார். அடுத்த இரு இடங்களை இந்திய கடற்படை அணியின் பிரதீப் சிங் ஷெகாவத் (29), ஹரியானாவின் ஆதர்ஷ் சிங் (23) பிடித்தனர்.