பிரான்ஸ் தலைநகர் பாரிசில், பிரெஞ்ச் ஓபன் கிராண்ட்ஸ்லாம் டென்னிஸ் தொடர் நேற்று துவங்கியது. பெண்கள் ஒற்றையர் பிரிவு முதல் சுற்றில் பெலாரசின் அரினா சபலென்கா, ரஷ்யாவின் கமிலா ரகிமோவா மோதினர். அபாரமாக ஆடிய சபலென்கா 6-1, 6-0 என்ற நேர் செட் கணக்கில் வெற்றி பெற்று, 2வது சுற்றுக்கு முன்னேறினார்.

மற்றொரு போட்டியில் உக்ரைனின் எலினா ஸ்விடோலினா 6-1, 6-1 என துருக்கியின் ஜெய்னெப் சோன்மெசை வென்றார். மற்றொரு முதல் சுற்றில் ரஷ்யாவின் அனஸ்டாசியா பவ்லிசென்கோவா 4-6, 3-6 என்ற கணக்கில் சீனாவின் கின்வென் ஜெங்கிடம் அதிர்ச்சி தோல்வியடைந்து வெளியேறினார். செக்குடியரசின் பெட்ரா கிவிட்டோவா 6-3, 0-6, 4-6 என சுவிட்சர்லாந்தின் விக்டோரிஜா கோலுபிக்கிடம் தோல்வியடைந்து ஏமாற்றினார்.

மற்றொரு முதல் சுற்றில் சுவிட்சர்லாந்தின் ஜில் டீச்மேன் 6-4, 6-4 என இத்தாலியின் லுக்ரேசியா ஸ்டெபானினியை வென்றார்.

ஆண்கள் ஒற்றையர் பிரிவு முதல் சுற்றில் அமெரிக்காவின் டாமி பால், டென்மார்க்கின் எல்மர் மோலர் மோதினர். இதில் டாமி பால் 6-7, 6-2, 6-3, 6-1 என்ற கணக்கில் வெற்றி பெற்று 2வது சுற்றுக்கு முன்னேறினார்.