இதற்கு தீர்வாக கிளாம்பாக்கம் பேருந்து நிலையம் எதிரில் ஜி.எஸ்.டி., சாலையில், வண்டலுார் சந்திப்பு முதல் காட்டாங்கொளத்துார் வரை உயர்மட்ட மேம்பாலம் அமைக்கப்பட உள்ளது. தேசிய நெடுஞ்சாலை ஆணையம் வாயிலாக இந்த புதிய மேம்பாலம் அமைக்கப்படும்.

மேம்பால கட்டுமான பணிகள் முடியும் வரை, இங்கு வாகனங்கள் சிக்கல் இன்றி செல்ல சில மாற்று ஏற்பாடுகள் செய்யப்பட்டுள்ளன.

இதன்படி, செங்கல்பட்டு மார்கத்தில் இருந்து வரும் பேருந்துகள், பேருந்து நிலைய நுழைவாயிலுக்கு எதிரிலும், கிளாம்பாக்கத்தில் இருந்து சென்னை நோக்கி செல்லும் பேருந்துகள், நுழைவாயில் எதிரிலேயே ஜி.எஸ்.டி., சாலையை கடக்க ஏற்பாடு செய்யப்படும்.

பாதசாரிகள் சாலையை கடக்கவும் சிறப்பு ஏற்பாடு செய்யப்படும். தேர்தல் நடத்தை விதிகள் முடிவுக்கு வந்தவுடன் இதற்கான பணிகள் மேற்கொள்ளப்படும்.

தமிழக அரசின் அறிக்கையில் இது தெரிவிக்கப்பட்டுள்ளது.