நேற்று முன்தினம் இரவில் பலத்த காற்றுடன் மழை பெய்தது. அப்போது சாலை ஓரம் வைக்கப்பட்டிருந்த பேனர் காற்றில் சாய்ந்து மின்கம்பியில் விழுந்து இரண்டு மின்கம்பங்கள் சேதமடைந்தன.

அப்பகுதியில் இரவு முதல் பகல் 12:00 மணி வரை 12 மணி நேரத்துக்கு மேலாக மின்சாரம் துண்டிக்கப்பட்டு இருந்தது. இதனால் பொதுமக்கள் கடும் சிரமம் அடைந்தனர். மேலும் அச்சாலையில் போக்குவரத்து இடையூறும் ஏற்பட்டது.

கடந்த 14ம் தேதி படூர் ஆறுவழிச்சாலையில் மேற்கு வங்கத்தை சேர்ந்த குப்தா, 42 என்பவர் டி.வி.எஸ்., ஜூபிட்டர் ஸ்கூட்டி பைக்கில் சென்றபோது, சாலை ஓரம் வைக்கப்பட்டிருந்த பேனர் காற்றில் சாய்ந்து விழுந்து அவருக்கு தலை, கை, காலில் காயம் ஏற்பட்டது.

நெடுஞ்சாலையோரம் உள்ள பேனர்களை அகற்ற, நெடுஞ்சாலைத் துறையினர் மற்றும் காவல் துறையினர் நடவடிக்கை எடுக்க வேண்டும் என, சமூக ஆர்வலர்கள் கோரிக்கை விடுத்துள்ளனர்