நேற்று மதியம் ஜே.சி.பி., இயந்திரம் மூலம் கால்வாய் தோண்டும் பணி நடைபெற்றது. அப்போது, எதிர்பாராத விதமாக புதை 'காஸ்' குழாய் இணைப்பில் உடைப்பு ஏற்பட்டு மிகுந்த சத்தத்துடன் வெடித்தது. இதில், அருகில் இருந்த டீ கடையில் தீ பரவியது.

கடையின் ஒரு பகுதி தீக்கிரையானது. சிறுசேரி தீயணைப்பு நிலைய வீரர்கள் ஒரு மணி நேரம் போராடி தீயை அணைத்தனர். முன்னெச்சரிக்கை நடவடிக்கையாக அருகே உள்ள உணவகங்களில் காஸ் இணைப்புகள் துண்டிக்கப்பட்டன.