மாநகர போக்குவரத்து கழகத்தில், சென்னையைச் சேர்ந்த மூத்த குடிமக்களுக்கு ஜூலை முதல் டிசம்பர் வரை பயன்படுத்தக்கூடிய இலவச டோக்கன்கள், ஜூலை 31ம் தேதி வரை வழங்கப்பட உள்ளன.

மாதத்திற்கு 10 டோக்கன்கள் வீதம், ஆறு மாதங்களுக்கான 60 டோக்கன்கள் வழங்கப்படுகின்றன. அதன்படி, 40 பணிமனைகள், பேருந்து நிலையங்களில், காலை 8:00 முதல் இரவு 7:30 மணி வரை பெற்றுக் கொள்ளலாம்.

இதற்காக, குடும்ப அட்டை, ஆதார் அட்டை, ஓட்டுநர் உரிமம், கல்வி சான்றிதழ், வாக்காளர் அடையாள அட்டை ஆகியவற்றில் ஏதேனும் ஒன்று, இரு கலர் புகைப்படங்கள் ஆகியவற்றை சமர்ப்பித்து பெற்றுக் கொள்ளலாம் என, மாநகர போக்குவரத்து கழகத்தின் சார்பில் தெரிவிக்கப்பட்டுள்ளது.