மீன்பிடி தடைக்காலம் முடிந்து 2வது வாரமான நேற்று, 60க்கும் மேற்பட்ட விசைப்படகுகள் கரை திரும்பின. ஞாயிற்றுக்கிழமையான நேற்று, காசிமேடில் மக்கள் கூட்டம் அலைமோதியது.

படகுகளில், சின்ன சங்கரா, வாளை, நெத்திலி உள்ளிட்ட சிறிய ரக மீனே, அதிகளவில் விற்பனைக்கு வந்தன.

ஆனால் எதிர்பார்த்த அளவிற்கு மீன் வரத்து இல்லை; விலை அதிகரித்து காணப்பட்டது. இதனால் மீன் பிரியர்கள் ஏமாற்றமடைந்தனர்.

இது குறித்து விசைப்படகு உரிமையாளர் ஒருவர் கூறியதாவது: என் படகை, 7.50 லட்சம் ரூபாய் செலவு செய்து, கடலில் தொழிலுக்கு அனுப்பினேன். 10 நாள் தங்கி மீன்பிடித்து வந்துள்ளனர். 5.50 லட்சம் ரூபாய்க்கு மட்டுமே மீன் விற்பனையானது.

இதனால், நஷ்டம் ஏற்பட்டுள்ளது; கடலில் மீன்வளம் இல்லை. அதேநேரம் உரிமையாளர்களுக்கு நஷ்டம் ஏற்படுகிறது. மீனிற்கு நல்ல விலை கிடைத்ததால், வியாபாரிகள் மட்டுமே மகிழ்ச்சியடைந்தனர்.

இவ்வாறு அவர் கூறினார்.

மீன் விலை நிலவரம்

வகை கிலோ (ரூ.)

வஞ்சிரம் 1,000 - 1,200

கறுப்பு வவ்வால் 500 - 600

வெள்ளை வவ்வால் 1,200 - 1,300

பாறை 400 - 450

சீலா 200 - 300

சின்ன சங்கரா 200 - 250

பெரிய சங்கரா 400 - 600

தும்பிலி 200 - 300

கனாங்கத்த 250 - 300

கடம்பா 350 - 400

செருப்பு 250 - 300

நெத்திலி 200 - 250

வாளை 100 - 150

இறால் 300 - 340

டைகர் இறால் 1,000 - 1,200

நண்டு 300 - 400