வழிப்பறி வாலிபர் கைது

கோவைப்புதுாரை சேர்ந்தவர் மனோஜ், 30. இவர் நேற்று முன்தினம் குனியமுத்துார், மைல்கல் பஸ் ஸ்டாப் அருகில் நடந்து சென்று கொண்டிருந்த போது, அங்கு வந்த ஒருவர், அவரை தடுத்து நிறுத்தி பணம் கேட்டார். மனோஜ் பணம் கொடுக்க மறுத்ததால், ஆத்திரம் அடைந்த அந்த நபர், மறைத்து வைத்திருந்த கத்தியை காட்டி, மனோஜிடம் இருந்த ரூ.500 பணத்தை பறித்து சென்றார். மனோஜ் குனியமுத்துார் போலீசில் புகார் அளித்தார். போலீசார் வழக்குப்பதிவு செய்து விசாரித்ததில் பணம் பறித்தவர் மைல்கல், சுகுணாபுரம் கிழக்கு, செம்மொழி நகரை சேர்ந்த சூரியகுமார், 27 என்பது தெரியவந்தது. போலீசார் அவரை கைது செய்து, சிறையில் அடைத்தனர்.