கிணத்துக்கடவு தினசரி காய்கறி மார்க்கெட்டுக்கு, சுற்றுவட்டார கிராம விவசாயிகள் விளை பொருட்களை கொண்டு வந்து விற்பனை செய்கின்றனர். கேரள மாநில வியாபாரிகள் வருகை அதிகமுள்ளதால், விற்பனை விறுவிறுப்பாக நடக்கிறது.

விவசாயிகள் கூறியதாவது: இந்த வாரம் காய்கறிகள் வரத்து சராசரியாக உள்ளது. அதனால், விலையில் மாற்றம் ஏற்பட்டுள்ளது. நேற்று, தக்காளி பெட்டி (15 கிலோ) - 350, தேங்காய் (ஒன்று) - 20 ரூபாய்க்கு விற்பனையானது.

கத்தரிக்காய் கிலோவுக்கு, 18 - 28; முருங்கைகாய் - 150, வெண்டைக்காய் - 60, முள்ளங்கி - 23, வெள்ளரிக்காய் - 16, பூசணிக்காய் - 17, அரசாணிக்காய் - 15, பாகற்காய் - 55, புடலை - 20, சுரைக்காய் - 15, பீர்க்கங்காய் - 60, பீட்ரூட் - 25, அவரைக்காய் - 35, பச்சைமிளகாய் - 45 ரூபாய்க்கு விற்கப்பட்டது.

கடந்த வாரத்துடன் ஒப்பிடுகையில், முருங்கைக்காய் கிலோவுக்கு - 20, புடலை - 8, பீர்க்கங்காய் - 15 ரூபாய் விலை அதிகரித்துள்ளது. வெண்டைக்காய் - 10, அரசாணிக்காய் - 5, பீட்ரூட் - 5, ரூபாய் விலை சரிந்துள்ளது.

இவ்வாறு, கூறினர்.