இதுகுறித்து, மாவட்ட உணவு பாதுகாப்புத்துறை அதிகாரி அனுராதா கூறியதாவது:

n ஓட்டல்கள் உணவு தயாரிப்பது மட்டுமல்ல, உணவு கொள்முதல் செய்வது முதல் இறுதிகட்டமாக உணவு கழிவுகளை அப்புறப்படுத்துவது வரை, அனைத்து விதிமுறைகளையும் முறையாக பின்பற்ற வேண்டும்.

n புகாரின் தன்மை பொறுத்து, 1,000 முதல் ஒரு லட்சம் ரூபாய் வரை அபராதம் விதிக்கவும், உரிமம் ரத்து செய்தல், வழக்கு பதிவு, சிறை தண்டனை என பாதிப்புகளை பொறுத்து, நடவடிக்கையின் தன்மை இருக்கும்.

n எந்த விதமான உணவகமாக இருப்பினும், எப்.எஸ்.எஸ்.ஏ.ஐ., லைசென்ஸ் வைத்திருக்க வேண்டும். உணவகம் சுத்தமாக, காற்றோட்டமாக, வெளிச்சம், புகைப்போக்கி, உரிய இடவசதியுடன் விதிமுறைப்படி இருக்க வேண்டும்.

n அசைவம், சைவ உணவுகளை, உரிய வெப்பநிலையில் வைக்க வேண்டும்.

n உணவு கையாள்பவர்கள், நகம் வெட்டி இருப்பது, குளிப்பது, பூ வைக்கவோ, வளையல் அணியவோ கூடாது. தலையுறை, கையுறை அணிந்திருக்க வேண்டும்.

n தொற்றுநோய், தோல்நோய், போன்ற பாதிப்பு உள்ளவர்கள் பணியில் இருக்கக்கூடாது. பணியாளர்களின் மருத்துவ சான்றிதழ் கட்டாயம் வைத்திருக்க வேண்டும்.

n பயன்படுத்தும் பாத்திரம், பொருட்களின் தரம், சுத்தம் உறுதிப்படுத்த வேண்டும்.மக்களுக்கு தரமான, சுகாதாரமான உணவு வழங்குவதை ஓட்டல் நிர்வாகிகள் உறுதிசெய்ய வேண்டும். இதுபோன்று பின்பற்றாத பட்சத்தில், பொதுமக்கள் 94440 42322 என்ற எண்ணில் புகார் அளிக்கலாம்.

இவ்வாறு, அவர் கூறினார்.