- வேல்ராஜ், குறிஞ்சி நகர்.

2. தாழ்வான மின்ஒயர்கள்

நரசிம்மநாயக்கன்பாளையம், குருடம்பாளையம், கிருஷ்ணம்மாள் நகர், ரெங்கா காலனி, முதல் தெருவில், மின்ஒயர்கள் மிகவும் தாழ்வாக உள்ளன. மின்விபத்து ஏற்பட வாய்ப்புள்ளதால், விரைந்து மின் ஒயர்களை சீரமைக்க வேண்டும்.

- மணி, குருடம்பாளையம்.

3. சிக்னலை மறைக்கும் விளக்கு

மேட்டுப்பாளையம் - கோவை ரோடு, தொப்பம்பட்டி பிரிவு சிக்னலில், மேட்டுப்பாளையத்திலிருந்து வரும் வாகன ஓட்டிகளுக்கு, சிக்னல் தெரிவதில்லை. சிக்னல் தெரியாதபடி தெருவிளக்கு அமைக்கப்பட்டுள்ளது. தெருவிளக்கை மாற்றி அமைக்க வேண்டும்.

- கோபால், மேட்டுப்பாளையம்.

4. இரவில் தொடரும் விபத்து

தொண்டாமுத்துார் ரோடு, பொம்மணாம்பாளைம் பிரிவு செல்லும் வழியில், சாலை விரிவாக்கத்திற்காக குழிகள் தோண்டப்பட்டன. பணிகள் முடிக்காமல் கிடப்பில் போடப்பட்டுள்ளது. இப்பகுதியில், தெருவிளக்குகள் இல்லததால், இரவு நேரங்களில் விபத்து நடக்கிறது.

- சண்முகம், பொம்மணாம்பாளையம்.

5. டெங்கு நோய் அபாயம்

பீளமேடு, 26 வது வார்டு, நேரு நகர் இரண்டாவது வீதியில், சாக்கடை கால்வாய் சரிவர துார்வாராததால் அடைத்துள்ளது. குடியிருப்பு பகுதி முழுவதும், கொசுத்தொல்லை அதிகமாக உள்ளதால், நோய் பரவும் அபாயம் உள்ளது.

- சுப்பிரமணியன், பீளமேடு.

6. சாலையில் தாறுமாறு பார்க்கிங்

கோவைப்புதுார், ஆர்.டி.ஒ., அலுவலக பகுதியில், சாலையில் தாறுமாறாக வாகனங்கள் நிறுத்தப்படுகின்றன. மற்ற வாகனஓட்டிகள் மிகுந்த சிரமத்திற்குள்ளாகின்றனர். குறுகலான பாதையில் வாகனங்கள் செல்லும்போது, பாதசாரிகள் நடக்க இடமே இருப்பதில்லை.

- தங்கவேல், கோவைப்புதுார்.

7. செவிசாய்க்காத மின்வாரியம்

கோணவாய்க்கால்பாளையம், 99வது வார்டு, பத்மாலயா லே-அவுட், கம்பம் எண் 29, முறிந்து கீழே விழுந்துவிட்டது. கம்பம் எண், 18ல் தெருவிளக்கு எரியவில்லை. புதிய கம்பம் அமைக்கவும், விளக்கை மாற்றவும் கடந்த ஒரு மாதமாக வலியுறுத்தியும் நடவடிக்கையில்லை.

- வினோதி, 99வது வார்டு.

சாக்கடை அடைப்பு

பி.என்.பாளையம், பழையூர், 49வது வார்டில், சாக்கடை கால்வாய் சரிவர சுத்தம் செய்யவில்லை. தேங்கி நிற்கும் கழிவுநீரில், கொசுப்புழுக்கள் உற்பத்தி அதிகளவில் உள்ளது. குழந்தைகள், பெரியவர்களுக்கு அடிக்கடி காய்ச்சல் பாதிப்பு ஏற்படுகிறது.

- முத்துக்குமார், பி.என்.பாளையம்.

வேகத்தடையால் விபத்து

வெள்ளலுார், மதுக்கரை ஊராட்சி ஒன்றிய துவக்கப்பள்ளி அருகே புதிதாக அமைக்கப்பட்ட வேகத்தடை, வாகன ஓட்டிகளுக்கு அச்சுறுத்தலாக உள்ளது. விபத்து நடக்கிறது. சரியான உயரத்திற்கு வேகத்தடையை சீரமைக்க வேண்டும்.

- நாகராஜ், வெள்ளலுார்.

சுகாதார பணிகளில் சுணக்கம்

சீரநாயக்கன்பாளையம், 75வது வார்டு, திலகர் வீதியில், சீரான இடைவெளியில் துாய்மை பணிகள் மேற்கொள்ளப்படுவதில்லை. தெருவில் ஆங்காங்கே தேங்கி கிடக்கும் கழிவுகளால், சுகாதார சீர்கேடு ஏற்படுகிறது.

- ராஜசேகர், திலகர் வீதி.