கடலுார் மாவட்ட தொழில் மையம் சார்பில் செயல்படுத்தப்படும் அம்பேத்கர் தொழில் முன்னோடிகள் திட்டப் பணிகளை, தொழில் மைய பொதுமேலாளர் விஜயகுமார் கோண்டூர், செம்மண்டலம் பகுதிகளில் உள்ள தொழில் நிறுவனங்களை பார்வையிட்டு ஆய்வு செய்தார். அப்போது அவர் கூறியதாவது:

தமிழக அரசால், 2023-24 நிதியாண்டில், அம்பேத்கர் தொழில் முன்னோடிகள் திட்டம் தொடங்கப்பட்டது. ஆதிதிராவிடர் மற்றும் பழங்குடியினரை தொழில் முனைவோர்களாக மாற்றி பொருளாதார நிலையை மேம்படுத்துவதே இத்திட்டத்தின் நோக்கம்.

மாவட்டத் தொழில் மையம் மூலம் செயல்படுத்தப்படும் இத்திட்டத்தில், கடலுார் மாவட்டத்தில் கடந்த 2 ஆண்டுகளில் 601 பயனாளிகளுக்கு 31.03 கோடி ரூபாய் கடன் தொகை வழங்கப்பட்டது. இதில், 13.78 கோடி ரூபாய் மானியம் வழங்கப்பட்டுள்ளது.

இவ்வாறு அவர் தெரிவித்தார்.