வடமதுரை தும்மலக்குண்டை சேர்ந்தவர் சினேகா 21. கல்லுாரியில் முதல் ஆண்டு படிக்கிறார். கூட்டாத்துப்பட்டியை சேர்ந்த தனியார் நிறுவன ஊழியர் விக்னேஷ் 21. இருவரும் பள்ளியில் படிக்கும்போதே காதலித்த நிலையில் பெற்றோருக்கு தெரியாமல் கோயம்புத்துாரில் திருமணம் செய்து கொண்டு பத்திரப்பதிவு அலுவலகத்தில் 3 மாதங்களுக்கு முன் பதிவு செய்தனர்.

திருமணம் குறித்து பெற்றோரிடம் தெரிவிக்காமல் அவரவர் வீடுகளில் இருந்தனர். இந்நிலையில் சினேகா வீட்டில் மாப்பிள்ளை பார்ப்பது மும்முரமாக நடந்தது.

திருமணம் நடந்த விஷயம் வெளியே தெரிய , வடமதுரை போலீசார் இருதரப்பு பெற்றோரையும் வரவழைத்து சமரசம் பேசி அனுப்பி வைத்தனர்.