இவர் தனக்கு சொந்தமான தோட்டத்தில் மூன்றரை ஏக்கர் நிலத்தில் கதளி மற்றும் நேந்திரம் வாழை நடவு செய்துள்ளார். நேற்று முன்தினம் இரவு வனப்பகுதியிலிருந்து வெளியேறிய ஐந்து யானைகள் வாழை தோட்டத்துக்குள் புகுந்தன. தின்றும், மிதித்தும் ஆயிரக்கணக்கான வாழை மரங்களை சேதம் செய்தன. விடிய விடிய வாழைத்தோட்டத்தில் முகாமிட்ட யானைகள், விடிந்தவுடன் வனப்பகுதிக்குள் சென்று விட்டன. சேதமடைந்த வாழைகளுக்கு நஷ்டஈடு வழங்க, கோரிக்கை எழுந்துள்ளது. இதுகுறித்து ஜீரகள்ளி வனத்துறையினர் விசாரணை மேற்கொண்டுள்ளனர்.