அத்யாவசிய பொருட்கள் மீதான ஜி.எஸ்.டி., வரியை திரும்ப பெற வேண்டும் என்பன உள்ளிட்ட பல்வேறு கோரிக்கையை வலியுறுத்தி, ஐக்கிய விவசாயிகள் முன்னணி, அனைத்து தொழிற்சங்கங்களின் கூட்டமைப்பு சார்பில், டிராக்டர் வாகன பேரணி நடந்தது. ஐக்கிய விவசாயிகள் முன்னணி மாவட்ட ஒருங்கிணைப்பாளர் முனுசாமி, தமிழ்நாடு விவசாயிகள் சங்க மாநில துணை தலைவர் துளசிமணி தலைமை வகித்தனர்.

நசியனுார் சாலை, சம்பத் நகர் - 4 ரோடு, பெருந்துறை சாலை, ஈ.வி.என்., சாலை வழியாக ரயில்வே ஸ்டேஷன் சென்று நிறைவடைந்தது. பேரணியில் ஏ.ஐ.டி.யு.சி., சின்னசாமி, கோபால், சண்முகம் உட்பட பலர் பங்கேற்றனர்.