நம்பியூர், நாடாளுமன்ற எதிர்க்கட்சி தலைவர் ராகுல் பிறந்த நாள் விழா, நம்பியூர் வட்டார காங்., சார்பில், நேற்று கொண்டாடப்பட்டது. வட்டார தலைவர் ஜவகர் தலைமை வகித்தார். தெற்கு வட்டார தலைவர் சண்முக சுந்தரம், நம்பியூர் நகர தலைவர் சதீஷ்குமார், மாநில பொதுக்குழு உறுப்பினர் மனோகரன், நம்பியூர் பேரூராட்சி துணைத்தலைவர் தீபா முன்னிலை வகித்தனர். நம்பியூர் அரசு ஆரம்ப சுகாதார நிலையத்தில், கர்ப்பிணிகளுக்கு ஊட்டச்சத்து தொகுப்பு, குழந்தைகளுக்கு துணி மற்றும் பால், ரொட்டி வழங்கப்பட்டது.