கள்ளக்குறிச்சி மாவட்டம், உளுந்துார்பேட்டை போலீஸ் ஸ்டேஷனில் இரண்டாம் நிலை காவலரான ரமேஷ்,32; நேற்று வடலுாரில் தைப்பூசத்தில் பாதுகாப்பு பணியில் ஈடுபட்டிருந்தார். அப்போது நேற்று இரவு 7:00 மணி அளவில், வடலுார் கோட்டக்கரையை சேர்ந்த ஜான் மகன் ராமலிங்கம், 18;, பெண்களை கேலி செய்தார்.

அதனை கண்டித்த போலீஸ்காரர் ரமேஷை, ராமலிங்கம் அவரது நண்பர்கள் கொள்ளுக்காரன்குட்டை அய்யாவு மகன் ரவி, 23; வடலுார் ராஜசேகர் மகன் பரஞ்சோதி, 23; பார்வதிபுரம் ராஜா மகன் கவுரிசங்கர், 21; மணியரசன் மகன் சூரியகுமார், 22; மற்றும் 17 வயது சிறுவன் ஆகிய 6 பேர் சேர்ந்து தாக்கினர்.

இதுகுறித்து ரமேஷ் அளித்த புகாரின் பேரில் வடலுார் போலீசார் வழக்கு பதிந்து, ராமலிங்கம் உள்ளிட்ட 6 பேரையும் கைது செய்தனர்.