திருக்கோவிலுார் நகராட்சிக்கு உட்பட்ட 27 வார்டுகளுக்கும், 11 கட்டங்களாக உங்களுடன் ஸ்டாலின் சிறப்பு முகாம் நடந்து வருகிறது. இத்திட்டத்தின் ஒரு பகுதியாக 19, 20, 21 வார்டுகளுக்கான முகாம் சந்தப்பேட்டை, மீர்மகாலில் நேற்று நடந்தது. நகராட்சி கமிஷனர் திவ்யா தலைமை தாங்கினார். தாசில்தார் ராமகிருஷ்ணன், பொறியாளர் ஜெயபிரகாஷ் முன்னிலை வகித்தனர்.

நகராட்சி சேர்மன் முருகன் முகாமினை துவக்கி வைத்து பொதுமக்களிடமிருந்து மனுக்களை பெற்றார். முதியோர் உதவித்தொகை, மாற்றுத்திறனாளிகள் உதவித்தொகை, ஆதார் திருத்தம், புதிய மின்னணு ரேஷன் கார்டு, ரேஷன் கார்டில் திருத்தம், பிறப்பு மற்றும் இறப்பு சான்றிதழ், மின் இணைப்பு பெயர் மாற்றம் என 13 அரசுத்துறையைச் சேர்ந்த, 43 சேவைகளுக்கான ஏற்பாடுகள் செய்யப்பட்டிருந்தது. நகராட்சி ஊழியர்கள் முகாமிற்கான ஏற்பாடுகளை செய்து இருந்தனர்.