தமிழ்நாடு வில்வித்தை சங்கம் சார்பில், 16வது மாநில அளவிலான வில்வித்தை சாம்பியன்ஷிப் போட்டி, மேற்கு தாம்பரத்தில் உள்ள சாய்ராம் கல்லுாரி வளாகத்தில் நடந்தது.

இப்போட்டியில் சென்னை, திருவள்ளூர் உட்பட 24 மாவட்டங்களில் இருந்து, 2,000த்துக்கும் மேற்பட்ட வீரர் - வீராங்கனையர் பங்கேற்றனர்.

போட்டியில், அதம்பாக்கம் டி.ஏ.வி., பள்ளியில் எட்டாம் வகுப்பு படிக்கும் எம்.கவுசிக், 14 வயதிற்கு உட்பட்டோர்,'இன்டோர் ரிகர்வ் போ' பிரிவில், வெண்கலப் பதக்கம் வென்று அசத்தினார்.

போட்டியில் வெற்றிபெற்ற மாணவ -- மாணவியருக்கு சங்கத்தின பொதுச் செயலர் ஷிஹான் ஹூசைனி பரிசுகளை வழங்கினார்.