காஞ்சிபுரம் மாநகராட்சியுடன் இணைந்த பகுதியில், பாதாள சாக்கடை வசதி இல்லாததால், 350 கோடி ரூபாய் செலவில், பாதாள சாக்கடை திட்டன பணிகள் கடந்த ஆண்டு துவக்கப்பட்டது.

இதில், முதற்கட்டமாக செவிலிமேடு, ஓரிக்கை பகுதியில் பாதாள சாக்கடை திட்டத்திற்கான பணி நடந்தது. தற்போது, திருக்காலிமேடு பகுதியில் பாதாள சாக்கடை திட்டத்திற்கான பணிகள் நடந்து வருகின்றன.

இதில், முதற்கட்டமாக, பொக்லைன் இயந்திரம் வாயிலாக பள்ளம் தோண்டப்பட்டு, ‛மேன்ஹோல் கான்கிரீட் தொட்டி' அமைக்கப்பட்டு வருகிறது. இதை தொடர்ந்து பைபர் பைப் லைன் அமைக்கப்படும் என, மாநகாட்சி அதிகாரி ஒருவர் தெரிவித்தார்.