இந்நிலையில், ஆந்திர மாநிலம், நந்திபேண்டா காப்புக்காட்டிலிருந்து பிரிந்த ஒரு யானைக்கூட்டம், நேரலக்கோட்டை, திருப்பத்துார் மாவட்டம் வழியாக பர்கூர் அடுத்த ஜிகினிக்கொல்லை பகுதிக்குள் புகுந்துள்ளது.

இப்பகுதியானது மலையடிவாரத்தில், பல நுாறு ஏக்கரில் மானாவாரி பயிர்கள் பயிரிடப்பட்டுள்ள பகுதி. நேற்றிரவு அப்பகுதிக்கு சென்ற விவசாயிகள், 3 யானைகளின் நடமாட்டத்தை கண்டறிந்தனர். இதையடுத்து அப்பகுதி மக்கள் வெளியே வரவேண்டாமென தண்டுரா போடப்பட்டு, மக்கள் வீடுகளுக்குள் முடங்கினர்.

கிருஷ்ணகிரி வனச்சரகர் முனியப்பன் தலைமையிலான வனத்துறையினர், அப்பகுதிக்கு சென்று யானைகளை அடர்ந்த வனப்பகுதிக்குள் விரட்டும் பணியில் ஈடுபட்டனர்.