சங்கத்தின் பொதுச் செயலாளர் பத்மநாதன் கூறியதாவது: மதுரை- பெங்களூரு இடையே பயணிகள் அதிக எண்ணிக்கையில் பயணிக்கின்றனர். இவர்களுக்கு வந்தே பாரத் ரயில் தற்போது துாத்துக்குடி - மைசூரு மட்டுமே உள்ளது. இது பயணிகளுக்கு போதியதாக இல்லை. முன்பதிவு செய்து காத்திருப்போருக்கு பெரும்பாலும் இட வசதி கிடைக்காமல் கடைசி நேரத்தில் பயணத்தை ரத்து செய்யும் நிலை ஏற்படுகிறது.

எனவே மதுரை - பெங்களூரு வந்தே பாரத் அதிவேக ரயிலை திண்டுக்கல், கரூர், நாமக்கல், சேலம், ஓசூர் வழியாக இயக்க வேண்டும். 2024க்குள் 71 வந்தேபாரத் ரயில்கள் இயக்க இலக்கு நிர்ணயிக்கப்பட்டுள்ளது. தற்போது வரை 51 ரயில்கள் மட்டுமே இயக்கப்படுகின்றன. மதுரை- பெங்களூரு இடையே இவ்வகை ரயில் இயக்கினால் பயணிகளிடம் அதிக வரவேற்பு கிடைக்கும். இதுகுறித்து பெங்களூரு கோட்ட ரயில்வே மேலாளரிடமும் சங்கம் சார்பில் மனு அளிக்கப்பட்டுள்ளது என்றார்.