அழகர்கோவில்: அழகர்கோவில் கள்ளழகர் கோயிலில் வைகாசி மாத திருவிழாவான வசந்த உற்ஸவம் ஜூன் 2ல் துவங்கி 11 வரை நடக்கிறது. முதல் நாள் இரவு 7:15 மணிக்கு மேல் 7:45 மணிக்குள் சிறப்பு பூஜைகளுடன் உற்ஸவம் துவங்குகிறது.தினமும் மாலை 5:00 மணிக்கு ஆஸ்தானத்திலிருந்து சுவாமி புறப்பாடாகி ஆடி வீதி, ராமர் சன்னதி வழியே உலா வந்து பதினெட்டாம்படி கருப்பணசாமி கோயில் வழியாக வசந்த மண்டபம் வந்தடைவார்.