குன்னுார் சுற்றுப்புற பகுதிகளில் குறைந்த மின்னழுத்த பிரச்னைகளுக்கு தீர்வு காண புதிய டிரான்ஸ்பார்மர்கள் அமைக்கப்பட்டு வருகிறது.

அதில், உபதலை மின் பகிர்மான வட்டத்திற்கு உட்பட்ட பழத்தோட்டம், கிரேக்மூர், பவன் ஆகிய, 3 கிராமங்களை சேர்ந்த, 350 வீடுகள் பயன்பெறும் வகையில், பழத்தோட்டம் பகுதியில் புதிதாக, 63 கே.வி.ஏ., 11 கே.வி., டிரான்ஸ்பார்மர் அமைக்கப்பட்டது.

துவக்க நிகழ்ச்சியில் செயற்பொறியாளர் ஜெகதீஸ்வரி முன்னிலையில், உதவி பொறியாளர் (பொ) நிர்மல்குமார், உதவி பொறியாளர் சுகுணா உட்பட பலர் பங்கேற்றனர்.