கூடலுார் டி.எஸ்.பி., செல்வராஜ் உத்தரவுப்படி, எஸ்.ஐ., கபில்தேவ் தலைமையில் போலீசார் நேற்று தொரப்பள்ளியில் சில கடைகளில் ஆய்வு செய்தனர். அதில், சுந்தரலிங்கம், 34, என்பவரின் கடையில், 63 பண்டல்களில், 995 பாக்கெட் தடை செய்யப்பட்ட புகையிலை பொருட்களை விற்பனைக்காக மறைத்து வைத்திருந்தார். அவைகளை பறிமுதல் செய்து, சுந்தரலிங்கத்தை கைது செய்தனர். இதன் மதிப்பு, 50 ஆயிரம் ரூபாய் ஆகும்.

போலீசார் கூறுகையில், 'கைது செய்யப்பட்ட சுந்தரலிங்கம், தமிழகத்தில் தடை செய்யப்பட்ட புகையிலை பொருட்களை, கர்நாடகாவில் இருந்து கடத்தி வந்து, கடையில் வைத்து கூடுதல் விலைக்கு விற்பது தெரியவந்தது. அவரை கைது செய்தோம்,' என்றனர்.