இந்நிலையில், நேற்று இரண்டு சூதுபவள மணிகள் கிடைத்தன. அதிலும் ஒன்று முற்றுப்பெறாமல் உள்ளது. அதே போல, அகேட் மணி ஒன்றும் கிடைத்துள்ளது. நேற்று வரை, 593 தொல்பொருட்கள் கண்டெடுக்கப்பட்டுள்ளன.

அதுபோல, கடலுார் மாவட்டம், மருங்கூரில் நடக்கும் அகழாய்வில் ராஜராஜன் செம்பு நாணயம், பெண்கள் விளையாடும் சுடுமண்ணால் ஆன வட்டச்சில், கழுத்தில் அணியும் பச்சை நிற கண்ணாடி மணி, ரோம் நாட்டினர் பயன்படுத்திய பானை ஓடுகள் உள்ளிட்ட தொல்பொருட்கள் கிடைத்துள்ளன.

இந்நிலையில், நேற்று, 4.7 செ.மீ., நீளம், 3.6 கிராம் எடையுள்ள, செம்பாலான கோல் ஒன்று கிடைத்தது. இது, பெண்கள், கண்களுக்கு மை தீட்டும் அஞ்சனக்கோல் என, ஆய்வாளர்கள் தெரிவித்தனர்.