வீரபாண்டி: இளம்பிள்ளை அருகே ரெட்டிமணியாக்காரனுார் ஊராட்சி ஒன்றிய நடுநிலைப்பள்ளி மாணவர்கள், கடந்தாண்டு நவம்பர் முதல் டிசம்பர் வரை, இணைய வழி, 'கல்வி வானொலி'யில் பாடங்கள் தொடர்பாக, 22,453 ஆடியோக்களை பதிவு செய்து சாதனை படைத்தனர். இதை, 'ஆல் இந்தியா புக் ஆப் ரெக்கார்ட்' நிறுவனம், உலக சாதனையாக அங்கீகரித்து, அவர்கள் புத்தகத்தில் இடம்பெற்றது. இதனால் அதற்கு காரணமான மாணவர்களுக்கு பள்ளியில் பாராட்டு விழா நேற்று நடந்தது. அதில் சேலம் மாவட்ட ஆசிரியர் கல்வி, பயிற்சி நிறுவன முதல்வர் செல்வம், உலக சாதனை சான்றிதழ்களை மாணவர்களுக்கு வழங்கி பாராட்டினார்.