சேலம், சேலம், கோட்டை பெரிய மாரியம்மன் கோவிலுக்கு தங்கத்தேர் உள்ளது. மரத்தேர் இல்லாததால், உபயதாரர்கள் மற்றும் திருக்கோவில் நிதி, ஒரு கோடி ரூபாய் மதிப்பில், 16 அடி அகலம், 37 அடி உயரத்தில், மரத்தேர் செய்யும் பணி கடந்த ஆண்டு தொடங்கியது. இதற்கு, 6 அடி விட்டத்தில், 4 சக்கரங்கள், 5 அடி விட்டத்தில் இரு சக்கரங்கள், 3 ஆக்சில்கள், திருச்சி, 'பெல்' நிறுவனத்தில் தயார் செய்து எடுத்து வந்து, 10 நாட்களுக்கு முன் பொருத்தப்பட்டது. தேரில் சாரம் கட்டுதல், அலங்கார துணி, கலசம், பொம்மைகள் வைப்பது என இன்னும், 10 லட்சம் ரூபாய் பணி மீதமுள்ளது.