சங்ககிரி, சங்ககிரி, அக்கமாபேட்டை அருகே, பாலத்தின் அடியில் முகம் சிதைந்து, கால்கள் கட்டப்பட்டு அழுகிய நிலையில், 35 வயது மதிக்கத்தக்க பெண் சடலத்தை, சங்ககிரி போலீசார் நேற்று முன்தினம் கைப்பற்றினர். தொடர்ந்து, 2 தனிப்படைகள் அமைக்கப்பட்டு விசாரணை நடக்கிறது. இதுகுறித்து சேலம் எஸ்.பி., கவுதம் கோயல் நேற்று, சம்பவ இடத்தில் ஆய்வு மேற்கொண்டார். தனிப்படை போலீசார், பல்வேறு பகுதிகளில் உள்ள, 'சிசிடிவி' கேமரா பதிவுகளை ஆய்வு செய்து வருகின்றனர்.