வேலை நிமித்தமாக நேற்று காலை ஈஸ்வரன் வெளியே சென்றுவிட்டு, மதியம் வீட்டுக்கு திரும்பி வந்தார். அப்போது வீட்டுக்கு வெளியே தலை சிதைந்த நிலையில் இந்திராணி, கொலை செய்யப்பட்டு கிடந்தார்.

நங்கவள்ளி போலீசார், ஓமலுார் டி.எஸ்.பி., சங்கீதா உள்ளிட்டோர் அங்கு வந்து விசாரித்தனர்.

போலீசார் கூறுகையில், 'வீட்டில் தனியே இருந்த இந்திராணி தலையில் கல்லை போட்டு கொலை செய்துவிட்டு, அவர் அணிந்திருந்த தாலிக்கொடியை மர்ம நபர்கள் திருடிச் சென்றுள்ளனர். வீட்டில் இருந்த நகை, பணம் திருடு போனதா என்றும் விசாரணை நடக்கிறது' என்றனர்.