இரண்டாம் நாள் போட்டியை தேனி எல்.எஸ்., மில் உரிமையாளர் பிரபாகரன், தேனி மாவட்ட கூடைப்பந்தாட்ட கழக தலைவர் சிதம்பர சூரியவேலு துவக்கி வைத்தனர்.

போட்டியில் கம்பம் பென்னிகுவிக் கூடைப்பந்தாட்ட அணியும், கும்பகோணம் துரை அகடாமி அணியும் மோதின.

இதில் 63 : 60 புள்ளிக் கணக்கில் கம்பம் பென்னிகுவிக் அணி வென்றது. திண்டுக்கல் ஜி.எஸ்., கூடைப்பந்தாட்ட அணியும், போடி கூடைப்பந்தாட்ட அணியும் மோதின. இதில் 47 : 29 புள்ளி கணக்கு திண்டுக்கல் ஜி.எஸ்., அணி வென்றது. தேனி எல்.எஸ்., மில் கூடைப்பந்தாட்ட அணியும், மதுரை புல்ஸ் அணியும் மோதின. இதில் 69 : 59 புள்ளி கணக்கில் தேனி எல்.எஸ்., மில் அணி வென்றது.

சென்னை எஸ்.ஆர்.எம்., கூடைப்பந்தாட்ட அணியும், போடி ஹோப்ஸ்டார் அகடாமியும் மோதின. இதில் 89 : 59 புள்ளி கணக்கில் சென்னை எஸ்.ஆர்.எம்., அணி வென்றது.

சென்னை எஸ்.பி.ஓ. அகடாமியும், கரூர் ஹேண்ட்லூம் சிட்டி அணியும் மோதின. இதில் 66 : 53 புள்ளி கணக்கில் சென்னை எஸ்.பி.ஓ., அகடாமி அணி வென்றது.

ஏற்பாடுகளை போடி கூடைப்பந்தாட்ட கழக தலைவர் தெய்வேந்திரன், செயலாளர் சந்தோஷ் குமார், பொருளாளர் சீனிவாசன் உள்ளிட்ட நிர்வாகிகள் செய்தனர்