மக்காச்சோளம் அனைத்து தரப்பினரும் விரும்பி சாப்பிடும் 'பாப்கார்ன், ஸ்வீட் கான்' போன்றவைகளுக்கு அதிகம் பயன்படுத்துகின்றனர். மேலும் பதப்படுத்தி வேகவைத்து சாப்பிடவும், சத்துமாவு தயாரிக்ககவும், கோழி தீவனங்களுக்காகவும் பயன்படுவதால் பல்வேறு நிறுவனங்கள் மொத்தமாக கொள்முதல் செய்கின்றன. தற்போது நல்ல விலை கிடைப்பதால் மக்காச்சோளம் பயிரிடுவதில் விவசாயிகள் அதிக ஆர்வம் காட்டி வருகின்றனர்.

கடந்த ஆண்டு போதிய விளைச்சல் இருந்த நிலையில் குவிண்டால் (100 கிலோ)ரூ. 2300 முதல் 2400 வரை விலை இருந்தது. இந்த ஆண்டு விளைச்சல் மட்டும் இன்றி விலையும் அதிகரித்து உள்ளது. நன்கு விளைந்த, காய்ந்த நிலையில் கலர் உள்ள மக்காச்சோளம் குவிண்டால் ரூ. 2450 முதல் ரூ. 2500 வரை விலை உள்ளதால் விவசாயிகள் மகிழ்ச்சி அடைந்து உள்ளனர்.

கோவிந்தராமர், விவசாயி, விசுவாசபுரம் : மக்காச்சோளத்திற்கு போதிய தண்ணீர் வசதி தேவை. நல்ல விளைச்சல் இருந்தால் ஒரு குழி (60 சென்ட்) தோட்டத்திற்கு குறைந்தது 17 முதல் 20 குவிண்டால் மகசூல் கிடைக்கும். போதிய விளைச்சல் இல்லாத நிலையில் மக்காச்சோளம் பருமன் இல்லாமல் இருக்கும்.

குழிக்கு 15 குவிண்டாலுக்கு கீழே கிடைக்கும். சமீபத்தில் தேவையான நேரத்தில் மழை பெய்ததால் நல்ல விளைச்சல் ஏற்பட்டுள்ளது.

விசுவாசபுரம், பத்திரகாளிபுரம் பகுதியில் 17 குவாண்டால் வரை கிடைத்து வருகிறது. தற்போது நல்ல விளைச்சல், ஈரப்பதம் இன்றி காய்ந்த மக்காச்சோளம் குவிண்டால் ரூ.2450 முதல் ரூ. 2500 வரை விலை உள்ளது விவசாயிகளுக்கு மகிழ்ச்சியை ஏற்படுத்தி உள்ளது என்றார்.