விவசாயம், வணிகம், குடியிருப்பு, சிறுதொழில்கள் என, 1 லட்சம் மின்இணைப்புகள் உள்ளன. புதிய மின்இணைப்புகளும் அதிகரித்து வரும் நிலையில், துணைமின்நிலையம் தரம் உயர்த்தப்படாமல் இருக்கிறது. மின்நிலையம் அமையும்போது பொருத்தப்பட்ட மின் உபகரணங்களின் உதவியுடன் மின்வினியோகம் தொடர்கிறது.

துணைமின்நிலையத்தில் உள்ள மின்மாற்றிகள் காலாவதியாகி போன நிலையில், அவ்வப்போது பழுதாகி மின்வெட்டு ஏற்படுகிறது.

அறிவிக்கப்படாத மின்வெட்டால், மக்கள் பெரும் இன்னலுக்கு ஆளாகி உள்ளனர். விவசாயிகள், வியாபாரிகள் திட்டமிட்டு பணிகளை மேற்கொள்ள முடியாமல் தவிக்கின்றனர்.

மின்வெட்டை சரிசெய்யாத அரசை கண்டித்து, நேற்று மார்க்சிஸ்ட் சார்பில், பொன்னேரி வேண்பாக்கத்தில் கண்டன ஆர்ப்பாட்டம் நடந்தது.

மாவட்ட குழு உறுப்பினர் ஹனிப் தலைமையில் நடந்த ஆர்ப்பாட்டத்தில், மாவட்ட செயற்குழு உறுப்பினர் விஜயன், மாவட்ட செயலர் கோபால் உள்ளிட்டோர் பங்கேற்றனர்.