கடையை மூட வலியுறுத்தி, நான்கு முறை முற்றுகையிட்ட நிலையில், ஒவ்வொரு முறையும் டாஸ்மாக் நிர்வாகம் சார்பில் கால அவகாசம் கேட்கப்பட்டது. இறுதியாக, ஜனவரி மாதம், 31ம் தேதிக்குள் கடை இடம் மாற்றம் செய்யப்படும் என அரசு தரப்பில் தெரிவிக்கப்பட்டது.

நேற்று முன்தினத்துடன் கெடு முடிந்த நிலையில், தேர்வழி கிராம பெண்கள் சிலர், நேற்று கடையை ஐந்தாவது முறையாக முற்றுகையிட சென்றனர். இதனால் ஏராளமான போலீசார் மதுக்கடை முன் குவிக்கப்பட்டிருந்தனர்.

மாவட்ட டாஸ்மாக் மேலாளர் ஜெயகுமார் பெண்களிடம் சமாதானம் பேசினார். கடையை இடம் மாற்றம் செய்யும் பணி நடைபெற்று வருகிறது. விரைவில் கடை இடம் மாற்றம் செய்யப்படும் என தெரிவித்தார்.