விடியங்காடு மற்றும் விடியங்காடு ஊராட்சிக்குட்பட்ட புதுார் மேடு, வெங்கடாபுரம், தாமரைகுளம், வேணுகோபாலபுரம் உள்ளிட்ட பகுதியைச் சேர்ந்தோர், அத்தியாவசிய பணிகளுக்காக தினமும் ஆர்.கே.பேட்டை மற்றும் சோளிங்கருக்கு பயணிக்கின்றனர்.

ஆனால், இந்த மார்க்கத்தில் சோளிங்கரில் இருந்து வள்ளிமலைக்கு இயக்கப்பட்டு வந்த தடம் எண்: 50 என்ற ஒரேயொரு அரசு பேருந்தும், 12 ஆண்டுகளுக்கு முன் நிறுத்தப்பட்டது. இதனால் பெண்கள், முதியவர்கள், மாணவர்கள் என, பல்வேறு தரப்பினரும் அவதிப்பட்டு வருகின்றனர்.

பள்ளிப்பட்டில் இருந்து ஆர்.கே.பேட்டை வழியாக நாகபூண்டி வரை இயக்கப்படும் தடம் எண்: டி 52 என்ற அரசு பேருந்தை, 6 கி.மீ., துாரம் நீட்டித்து, விடியங்காடு வரை இயக்க வேண்டும் அல்லது இந்த மார்க்கத்தில் சோளிங்கர் வழியாக ஆர்.கே.பேட்டை வரை புதிய பேருந்து இயக்க வேண்டும் என, பகுதிவாசிகள் கோரிக்கை விடுத்துள்ளனர்.