திருப்பூர் காங்கயம், வீரணாம்பாளையம் பகுதியில் நேற்று முன்தினம் நடந்த பட்டா வழங்கும் நிகழ்ச்சியில், அமைச்சர் சாமிநாதன் பேசியதாவது:

கடந்த நான்காண்டுகளில், காங்கயம் வட்டத்திற்கு உட்பட்ட பகுதிகளில், 994 நத்தம் இலவச வீட்டுமனைப் பட்டாக்கள் வழங்கப்பட்டுள்ளன. ஆதி திராவிடர் நலத்துறை சார்பில், 739 புதிய பட்டாக்கள்; ஆதிதிராவிடர் நலத்துறை சார்பில், 4,029 இணைய வழி பட்டாக்கள், பிற்படுத்தப்பட்டோர் நலத்துறை சார்பில், 894 இணைய வழிபட்டாக்களும் வழங்கப்பட்டுள்ளன. ஏற்கனவே, வழங்கப்பட்ட, 1,492 பட்டாக்கள், கிராம கணக்கில் மாறுதல் செய்து என, மொத்தம், 8,148 பட்டாக்கள் வழங்கப்பட்டுள்ளன. இவ்வாறு, அவர் பேசினார்.