சென்னை, திருப்பூர், நீலகிரி, கோவை உள்ளிட்ட பல்வேறு மாவட்டங்களில் இருந்து, பொது பிரிவில், 12 அணிகள், மூத்தோர் பிரிவில், 16 அணிகள் பங்கேற்றன. நேற்று நடந்த பொதுப்பிரிவு போட்டியின் லீக் சுற்று முடிவில் நடந்த முதல் காலிறுதி போட்டியில், மவுன்ட்லிட்ரா ஸீ கால்பந்து அணி, 6 - 5 என்ற கோல் கணக்கில், இளையான்குடி 'இசட்.எச்.சி.,' அணியை வென்றது.

இரண்டாவது காலிறுதிப் போட்டியில், நீலகிரி கால்பந்து கிளப் அணி, 5-0 என்ற கோல் கணக்கில் சூலுார் எஸ்.ஆர்.எப்.சி., அணியை வென்றது. இன்று காலை, 6:30 மணி முதல், 40 வயதுக்கும் மேற்பட்ட மூத்தோர் பிரிவுக்கான கால்பந்து போட்டி நடைபெறுகிறது. கால்பந்து போட்டி ஏற்பாடுகளை, திருப்பூர் கால்பந்து கிளப் தலைவர் ஜெயசந்திரன், செயலாளர் சேவியர் ராஜ்குமார் மற்றும் நிர்வாகிகள் செய்து வருகின்றனர்.