திருச்சுழியில் உடையனம்பட்டி அருகே செல்லும் குண்டாற்றில் தரைப்பாலம் கட்ட, நெடுஞ்சாலை துறை கிராம சாலைகள் திட்டத்தின் கீழ் 7 கோடியே 31 லட்சத்து 53 ஆயிரம் ரூபாய் நிதி ஒதுக்கி நேற்று அதற்கான அடிக்கல் நாட்டு விழாவில் பங்கேற்று அமைச்சர் தங்கம் தென்னரசு பேசியதாவது:

திருச்சுழி தொகுதி முழுவதுமாக கடந்த 2 ஆண்டுகளில் மட்டும் 64 புதிய சாலைகள், 6 பாலங்கள் கட்டப்பட்டுள்ளது. திருச்சுழி - உடையனம்பட்டி அருகே அமைய உள்ள உயர்மட்ட மேம்பாலம் தரமான முறையில் விரைவில் கட்டி முடிக்கப்படும். தொகுதிக்கு தேவையான வளர்ச்சி பணிகள் தொடர்ந்து செய்யப்பட்டு வருகிறது என கூறினார்.