விருதுநகர் அரசு போக்குவரத்து பணிமனையில் கிளை மேலாளராக பணியாற்றுபவர் பாலமுருகன். இவர் ஜன. 26 காலை 11:20 மணிக்கு பணிமனை அலுவலகத்தில் இருந்தார். அங்கு வந்த மீசலுார் அண்ணாநகரைச் சேர்ந்த ஓட்டுநர் பாலசுப்பிரமணியன் விடுமுறை கடிதத்தில் கையெழுத்திடுமாறு கூறியுள்ளார். அதற்கு பாலமுருகன் தொடர்ந்து 7 நாட்களாக எவ்வித அனுமதியும் இல்லாமல் விடுப்பு எடுத்ததால் கையெழுத்து போட முடியாது, உதவி பொறியாளரிடம் கேட்டுக்கொள்கிறேன் என பதில் அளித்துள்ளார். ஆனால் விடுப்பு வழங்க வேண்டும் என கிளை மேலாளரை ஓட்டுநர் பாலசுப்பிரமணியன் தாக்கினார். விருதுநகர் போலீசார் விசாரிக்கின்றனர்.