முதல்வர் ஸ்டாலின் மகள் செந்தாமரையின் கணவர் சபரீசன். அவரது தந்தை வேத மூர்த்தி, சென்னை நீலாங்கரையில் வசித்து வந்தார். உடல் நலக்குறைவு காரணமாக, சென்னை ஓ.எம்.ஆர்., சாலையில் உள்ள மருத்துவமனையில் சிகிச்சை பெற்று வந்தார்; நேற்று அதிகாலையில் மரணம் அடைந்தார்.

திருநெல்வேலி மாவட்டம், முக்கூடல் அருகில் உள்ள அரியநாயகிபுரத்தில் பிறந்தவர் வேதமூர்த்தி; வங்கி அதிகாரியாக பணியாற்றி ஓய்வு பெற்றவர். அவரது இறுதி சடங்குகள், இன்று மாலை 3:00 மணியளவில் பெசன்ட்நகர் மின் மயானத்தில் நடக்கின்றன.