பாலம் கட்டுமான பணிகளில் அனுபவம் வாய்ந்த நிபுணர்களின் அறிவுரைப்படி, பொன்மலை ரயில்வே ஸ்டேஷன் அருகே, பாலத்தின் சேதமடைந்த பகுதியில் வலுப்படுத்தும் பணிகளை நேற்று துவங்கினர்.

மேலும், பாலத்தில் மண் அரிப்பு ஏற்பட்ட பகுதியை வலுப்படுத்த மணல் நிரப்பும் முறை மாற்றியமைக்க உள்ளனர்.

பொங்கல் பண்டிகை விடுமுறையாக இருந்தாலும், தேசிய நெடுஞ்சாலை ஆணையம் நவீன இயந்திரங்கள், கட்டுமான பொருட்களை திரட்டி, பழுது சீரமைக்கும் பணிகளை துவங்கி உள்ளது. பேராசிரியர் அழகு சுந்தரமூர்த்தி தலைமையில், நேற்று பூமி பூஜை செய்யப்பட்டு, கட்டுமான பணிகளை துவக்கினர். ஒரு மாதத்திற்குள் பணியை முடிக்க, இலக்கு நிர்ணயிக்கப்பட்டுள்ளது.