வெள்ளரிப் பிஞ்சு பாயசம்... ரொம்ப ஈஸிதாங்க!

தேவையான பொருட்கள்: வெள்ளரிப் பிஞ்சு - 1, சர்க்கரை - 150 கிராம், அரிசி மாவு - 3 டேபிள் ஸ்பூன், பசும்பால் - 250 மி.லி.,

பாதாம் பவுடர், நெய், ஏலக்காய் பொடி, முந்திரி, தண்ணீர் - தேவையான அளவு.

அடுப்பில் கடாயை வைத்து சூடானவுடன், துருவிய வெள்ளரியை நெய்யில் வதக்கி, தண்ணீர் சேர்த்து வேக வைக்கவும்.

அதில், அரிசி மாவு, பாதாம் பவுடர் கலக்கவும். பின், சர்க்கரை, ஏலக்காய்த்துாள் சேர்த்து, கொதிக்க விடவும்.

அதனுடன், காய்ச்சி ஆறிய பால், நெய்யில் வறுத்த முந்திரி சேர்க்கவும்.

இப்போது சுவையான 'வெள்ளரிப் பிஞ்சு பாயசம்' ரெடி. அனைத்து வயதினரும் விரும்பி பருகுவர்.