அமிலத்தை அதிகரிக்கும் மன அழுத்தம்

இளம் வயதினரிடம் அதிகமாக காணப்படும் பிரச்னை, மன அழுத்தம் தான்.

வேலைப் பளு, குடும்ப பொறுப்பு, இவை அனைத்தையும் விட கம்ப்யூட்டர், போன் ஸ்கிரீன் பார்க்கும் நேரம் முழுமையாக ஆக்கிரமித்துள்ளது.

இதனால் சரியான, போதுமான துாக்கம் இல்லை. அப்போது, முதலில் பாதிக்கப்படுவது வயிறு. வயிற்றில் நிறைய அமிலம் சுரக்கும்.

இது அல்சர், வாயுத் தொல்லை, அமிலம் மேலேறுதல் என்று பல பிரச்னைகளுக்கு வழி செய்யும். மன அழுத்தமும் இருந்தால், சாதாரணமாக சுரக்கும் அமிலத்தை விட அதிகளவில் சுரக்கும்.

எனவே, என்ன பிரச்னை இருந்தாலும், வயிறு நலனை மனதில் வைத்து, தற்காலிகமாகவாவது பிரச்னைகளை மறந்து, குறைந்தது 6 மணி நேரம் துாங்க வேண்டும்.

ஆழ்ந்த துாக்கம் இருந்தாலே உடம்பிலுள்ள 90 சதவீத பிரச்னைகள் சரியாகிவிடும்.

உடற்பயிற்சி இருந்தால், அட்ரினலின் சுரப்பது குறைந்து, உடம்பு, மனதிலுள்ள அழுத்தம் குறைந்து விடும்; துாக்கமும் நன்றாக வரும். எனவே, தினமும் அரைமணி நேரத்துக்கு நடைப்பயிற்சி அவசியம்.