ஐந்து வயதுக்கு மேற்பட்ட நாய்களுக்கு, பல் மீது கறுப்பாக கரை படிதல், அதிகளவில் உமிழ்நீர் வெளியேறுதல், வாயின் உட்பகுதியில் கட்டிகள் இருப்பது, வாய் துர்நாற்றம் போன்ற அறிகுறிகள் பல் சார்ந்த நோய்கள் இருப்பதைஉணர்த்துகிறது. இதில் அலட்சியம் காட்டினால், நோய் பாதிப்பு தீவிரமடையும்.

கல்லீரலில் கொழுப்பு படிதல், சர்க்கரை நோய், தைராய்டு சுரப்பு குறைவது போன்றவை உடல்எடை அதிகரிப்பதால் ஏற்படக்கூடிய நோய்கள். இதேபோல, உடல்எடை, மாதந்தோறும் 5 சதவீதம் வரை குறைந்தால் பல் கோளாறுகள் மற்றும் உணவு மாறுபாடு காரணியாக அமையக்கூடும். 10 சதவீதம் வரை குறைந்தால், உடல் உறுப்புகளில் கோளாறு, 20 சதவீதம் வரை குறைந்தால், குடல் சார்ந்த கோளாறு மற்றும் புற்றுநோய் அறிகுறியாக இருக்கலாம். இதற்கு,கால்நடை மருத்துவரின் ஆலோசனை பெறுவது அவசியம்.

'கெனைன் காக்னடிவ் டிஸார்டர்' என்ற மறதி நோய், வயது முதிர்வின் ஒரு விளைவு. வழக்கத்தை விட பகலில் அதிக நேரம் துாங்குதல், ஒரே இடத்தை உற்று பார்த்து கொண்டிருத்தல், 'அக்ரசிவ்வாக' இருப்பது, வீட்டில் உள்ள பொருட்களை மாற்றி வைத்தால் குழப்பமடைதல் போன்ற அறிகுறிகளால், இதை உறுதி செய்யலாம்.

தோலின் மேற்புறத்தில் சிறியதாக கொழுப்பு கட்டி, 'மரு'போன்றவை வயது முதிர்வில் சாதாரணமாக ஏற்படக்கூடியது தான். ஆனால், அக்கட்டி பெரிதாகி கொண்டே இருந்தால், அது புற்றுநோயாக இருக்கலாம்.

மேற்சொன்ன இந்த ஆறு வகையான நோய் அறிகுறிகளையும் ஆரம்பக்கட்டத்திலே கண்டறிந்து முறையான சிகிச்சைக்கு உட்படுத்துவது அவசியம். ஆறு மாதத்திற்கு அல்லது ஆண்டுக்கு ஒருமுறையாவது, உங்கள் நாய்களுக்கு, ரத்த பரிசோதனை செய்து உடல்நிலை அறிவது நல்லது.